Foods

विसाव्या शतकाच्या पहिल्या चार दशकात मुंबईत खानावळी व उपहारगृहे ही देवरुखे ब्राम्हणांची मिरासदारी होती .स्वयंपाकामध्ये निपुण अशी त्यांची ख्याती होती .सुग्रास स्वयंपाक , निरनिराळ्या प्रकारची पक्वान्ने करण्यात देवरुख्यांचा हात कोणी धरणार नाही .भाजणीचे वडे , थालीपीठ ही त्यांची खासियत .विसाव्या शतकाच्या आरंभापासून मुंबईत खानावळी निघाल्या .देवरुख्यांपैकी सखुबाई भागवत हिने मुंबईत पहिली खानावळ काढली त्यानंतर चंद्रभागाबाई मुळये , आनंदीबाई शितुत , धोंडोपंत सावले , परशुरामभाऊ महाजन , वासुदेवराव शितुत , वीरकर आहार भवन , शितुत , क्षुधा शांती भुवन , गजानन भोजन गृह , नारायण भोजनालय असा क्रम लावता येईल .सुग्रास स्वयंपाक करणे म्हणजे एक कला आहे .पूर्वी देवरुख्यांमध्ये बरेच लोक आचारीपणा करत .मुंबईत बहुतेक ठिकाणी देवळातील महाप्रसादाचे जेवण देवरूखे आचारीच करीत . सध्या खाद्य पदार्थांच्या व्यवसायात कोकण व मुंबई आणि संलग्न परिसरात अनेक देवरुखे आहेत. त्यातील काही ठळक नावे, काळे यांचे श्री दत्त स्नॅक्स, श्री विराज निंबकर, ठाणे यांचे दिल्ली दा चाप, श्री गौरव जोशी, पुणे यांचे वनवेफूड, श्री विजय मुळ्ये यांचे पाली रस्त्यावरील सुधागड वैभव  इत्यादी.